"Сантьяго Бернабеу"да вақтинча теннис кортлари қурилади

Мадриддаги "Сантьяго Бернабеу" стадиони "Mutua Madrid Open" мусобақаси вақтида вақтинча теннис марказига айлантирилади.

"Marca" маълумотига кўра, 23–30 апрель кунлари аренада бир нечта грунт кортлар барпо этилади ва теннисчилар ўйинларга тайёргарлик кўриш имконига эга бўлади.

Шу билан бирга, мусобақанинг асосий баҳслари анъанавий равишда Каха Магика мажмуасида 22 апрелдан 3 майга қадар ўтказилади.

Бундай ўзгариш "Реал"нинг тақвими билан боғлиқ: жамоа "Алавес"га қарши ўйиндан сўнг бир нечта сафар учрашувларини ўтказади, бу эса стадиондан бошқа тадбирлар учун фойдаланиш имконини яратади.

Қайд этилишича, бу қарор клубнинг янгиланган "Бернабеу'ни кўп функцияли аренага айлантириш стратегиясининг бир қисми ҳисобланади.