Санчо "Рома" таклифини шахсий сабабларга кўра рад этди

Яқинда "Манчестер Юнайтед" ҳужумчиси Жейдон Санчо "Рома" сафига ўтишдан бош тортди.

"La Gazzetta dello Sport" тарқатган маълумотларга кўра, римликлар футболчига йилига 6 миллион евро маош таклиф қилган. Шунингдек, агентга тўланадиган комиссия суммаси ҳам келишилган, трансфер эса 23 миллион евро атрофида баҳоланган.

Бироқ, англиялик футболчи бу имкониятдан воз кечди. Манбаларнинг айтишича, Санчо бу қарорни америкалик рэп ижрочиси Saweetie билан бўлган муносабатлари туфайли қабул қилган. Таъкидланишича, у сўнгги ойларда камида ойига уч марта АҚШга, Saweetie чиқиш қилаётган турли шаҳарларга бориб келган.

Маълумотларга кўра, уларнинг яқин муносабати 2024 йил декабридан бошланган. Шу боис, Санчо Европадаги фаолиятини давом эттирмасдан, АҚШга кўчиб ўтиш имкониятини ҳам кўриб чиқмоқда.