Самвел Бабаян: "Мағлубиятлардан кейин бу ғалаба бизга жуда керак эди"

“Андижон” – “Машъал” (2:0) ўртасидаги ўйиндан кейинги матбуот анжуманида жамоамиз бош мураббийи Самвел Бабаян ўз фикрлари билан ўртоқлашди.

- Ассалому алайкум. Барча мухлисларимизни ғалаба билан табриклайман. Мағлубиятлардан кейин бу ғалаба бизга жуда керак эди. Футболчиларимизнинг бугунги учрашувга реакциялари ҳам муҳим эди. Йигитлар яхши футбол ва яхши темп кўрсатишди. Асосийси, биз ғалаба қозондик. Янада бемалол ҳаракат қилишимиз учун ҳисоб бундан ҳам йирик кўриниш бўлиши мумкин эди. Муҳими, жамоамизнинг майдонда ғалаба учун ўйнашидир. Яна алоҳида айтишим керакки, биз тикланиш жараёнини яхши ўтказдик. Майдонда доминантлик қиладиган ўйинни кўрсатишга ҳаракат қиламиз. Ўйинларимизни 100 фоиз тўлиқ куч билан ҳаракат қилишини хоҳлаймиз. Асосий таркибда ўзгаришларга қўл урдик. Дамир Темиров асосий таркибда майдонга тушди. Тўлиқ ўйинимизни шакллантириб олиш учун бизга яна бироз вақт керак. Ўйлайманки, ўйинимиз янада очилади ва мухлисларимизни хурсанд қиламиз.

- Келаётган Рамазон ҳайити ва Наврўз байрами билан табриклайман. Кўриниб турибдики, сиз натижадан қониқдингиз, ўйиндан ҳам қониқдингизми?

- Кузатган бўлсангиз мен ўйинни бошидан то охиригача ўтирганим йўқ. Учрашув давомида кўрсатмалар бериб турдим. Мураббий агар ўйиндан тўлиқ қониқдим деса фаолиятини тугатса ҳам бўлади. Биласизми, мен аввало ўйинчиларга характер кўрсатишгани учун раҳмат. Муваффақиятсиз учрашувлардан сўнг ўзларини тиклаб, ғалаба учун курашишгани учун миннатдорчилик билдираман. Йигитлар ўзларини кўрсатишди, агрессив ҳаракат қилдилар ва ҳужумларда фаол бўлишга интилдилар. Прессингда яхши ўйнагани учун сардоримиз Драган Черанни алоҳида эътироф этган бўлардим. Бу борада фаоллик кўрсатиш бўйича рекорд қўйди, десам бўлаверади. Голдан кейин яна ҳужумларимизни кучайтиришимиз лозим эди. Бу қалтис ҳисоб эди. Иккинчи бўлимда янада агрессив ўйнай бошладик. Рақибга босим ўтказишимиз билан улар хато қила бошлади. Биринчи таймда шундай қилишимиз керак эди, иккинчи таймда босимлар ўтказганимиз туфайли ижобий натижага эришдик. Майдонда бир футболчи кўп бўлиб ўйнаганингда керакли ўйин услубини танлаган ҳолда ўйин кўрсатиш керак ва кўзлаган мақсадга эришиш мумкин. Рақибни ўйин охиригача босимда ушлаб турдик.

- Жамоангизда хавфли ҳужумлар кўп бўлди, бироқ улардан етарли даражада фойдаланишда оқсаяпти. Бу ҳақида фикрингиз?

- Биз кўп имкониятларни ташкил қилганимизни яхши ҳолат деб ўйлайман. Бу борада иш олиб боряпмиз. Бизда янги жамоа шаклланяпти. Жамоани нолдан қуришни бошладик. Шу сабабли кўп вазиятларда қайта ишлаш зарурлиги кўриниб турибди. Имкониятлардан унумли фойдаланиш бўйича керакли ишларни олиб борамиз ва бунинг ечимини қилишда ўз устимизда кўпроқ ишлашга боғлиқ. Шу билан биргаликда мамлакатимиздаги барча ишқибозларни юртимизда нишонланадиган наврўз байрами ва Рамазон Ҳайит байрами билан табриклайман ҳамда ҳаммага тинчлик-омонлик тилаб қоламан.