Самвел Бабаян кечаги ўйиндан сўнг: "Доим фейр-плей тамойилига амал қилиш керак"

"Андижон" жамоаси бош мураббийи Самвел Бабаян кеча “Шахтёр”га қарши бўлиб ўтган, аммо якунига етмай қолган баҳс борасида клуб матбуот хизматига шундай деди:

“Ўртоқлик ўйини мавсумга тайёргарлик кўриш, ўйинни ташкил қилиш, футболчиларни тайёргарлигини билиш мақсадида ўтказилади. Биринчи навбатда чемпионат давомида ўйинчилар соғ-саломат, жисмонан бақувват ҳолатда ўйнашлари учун тайёргарлик жараёнлари олиб борилади. Яъни, қишки йиғиндаги барча эътибор мавсумга қаратилади.

Афсуски, рақиб мураббийи томонидан футболчиларига кескин ўйнаш бўйича кўрсатмалар берилган ва бундай ҳаракатлар нотўғри. Рақиб мураббийини кўрсатмаси футболчиларимизнинг жиддий жароҳат олишларига сабаб бўлди. “Шахтёр” ўйинчиларини жуда қўпол ҳаракатлари натижасида икки футболчимиз жароҳат олди. Футболда рухсат этилмаган бундай ҳолатларга йўл қўйиб бўлмайди. Бу футбол қонун-қоидаларига ҳам тўғри келмайди. Доим фейр-плей тамойилига амал қилиш керак.

Яхшиҳамки, ўйнчиларимизни ҳолати яхши. Раҳбарият, тиббиёт ходимлар штаби кечаси билан ўйинчиларимизнинг ҳолатини назорат қилдик, текширувлар ўтказдик ва керакли ишларни амалга оширдик. Худога шукрки, уларни аҳволи яхши. Абдулвоҳид Ғуломов операция қилинди. Абдураҳмон Комиловни ҳолати қониқарли. Тез кунларда уларни соғайиб кетишига ишонч билдираман. Тайёргарлигимизни кейинги жараёнида жамоамиз билан бундай муаммоли ҳолатлар юзага келмайди, деб умид қиламан”, - дейди Самвел Вячеславович.