Салоҳнинг ўрнини ашаддий рақиб ҳужумчиси эгаллайди
- 28-март, 06:06
- Zohir Toshxo’jayev
- 0
- Футбол
Муҳаммад Салоҳ кетишига тайёргарлик кўраётган “Ливерпуль” мисрлик тўпурарга ўринбосарни Мерсисайднинг иккинчи клуби – “Эвертон” сафидан топди.
“Қизиллар” 26 ёшли футболчи жамоа ўйин услубига мос эканига ва Муҳамад Салоҳнинг ўрнини боса олишига ишонмоқда.
Бу ҳақда TEAMtalk хабар берди.
Манбага кўра, Ндиайени сотиб олиш учун “Ливерпуль” Премьер-лиганинг яна бир вакили “Манчестер Юнайтед” билан рақобат қилишига тўғри келади.
Манчестерликлар сенегаллик футболчини клубни тарк этиши аниқ бўлиб улгурган Жошуа Зиркзее ўрнига вариант сифатида кўрмоқда.
Жорий мавсумда Ндиайе 27 та ўйинда иштирок этиб, 6 та гол ва 3 та ассист қайд этди. Унинг клуб билан шартномаси 2029 йилнинг ёзигача амал қилади. Transfermarkt портали маълумотига кўра, футболчининг қиймати 50 миллион евро.