Салоҳни топ-лигага чақиришди
- 23-май, 14:48
- Zohir Toshxo’jayev
- 0
- Футбол
2017 йилдан бери “Ливерпуль” шарафини ҳимоя қилиб келаётган мисрлик Муҳаммад Салоҳ жорий мавсум якунланганидан кейин клубни эркин агент сифатида тарк этади.
Speedline нашри маълумотларига кўра, таркибини кучайтиришни мақсад қилган “Ювентус” клуби мисрлик футболчини ўз сафига қўшиб олиш вариантини кўриб чиқмоқда.
Турин клуби келаси мавсум олдига катта мақсадларни қўйган ва бунинг учун энг аввало таркибни сезиларли даражада кучайтириши талаб этилади.
“Ювентус” жамоаси бош мураббийи Лучано Спаллетти Салоҳни ҳужумнинг якуний қисмига тажриба ва сифат олиб кира оладиган энг яхши вариантлардан бири, деб ҳисобламоқда.
Муҳаммад Салоҳ 2017 йилда 42 миллион евро эвазига “Ливерпуль”га трансфер қилингунга қадар “Рома”да муваффақиятли тўп тепган ва А Серияни жуда яхши билади.
Жорий мавсумда Муҳаммад Салоҳ мерсисайдликлар сафида барча мусобақаларда 40 та учрашувда қатнашиб, 12 та гол урди ва 9 та голли узатмани амалга оширди.