Салоҳ ван Дейк билан бир жамоага ўтади

Туркия футболи байроқдорига айланган “Галатасарой” келаётган ёзда “Ливерпуль”нинг етакчи футболчилари Муҳаммад Салоҳ ва Виржил ван Дейкни ўз сафига қўшиб олиш устида иш бошлашга киришди.

Бу ҳақда A Spor нашри хабар бермоқда.

Эслатиб ўтамиз, аввалроқ 33 ёшли Салоҳ мавсум якунида инглиз клубини тарк этишини маълум қилган эди. 34 ёшли ван Дейкнинг амалдаги шартномаси эса 2027 йил ёзигача мўлжалланган.

Манбага кўра, трансфер харажатларини камайтириш мақсадида турк гранди келишувга Венгрия терма жамоаси аъзоси бўлган 28 ёшли қанот ҳимоячиси Роланд Шаллаини қўшиши мумкин. Ушбу мавсумда футболчи барча мусобақаларда 40 та ўйинда иштирок этиб, 1 та гол ва 6 та голли узатма қайд этган.

“Ливерпуль” раҳбарияти ҳам бу мавсум чемпионлик унвонини муносиб ҳимоя қила олмаганидан кейин ёзги трансферлар ойнаси даврида таркибида жиддий ўзгаришлар қилишни режалаштиряпти.