Испания чемпионатининг 26-турида “Хетафе” футболчилари Мадридда “Реал”ни кичик ҳисобда енгиб, шов-шувли ғалабани қўлга киритган эди. Ўйиндан кейин “Хетафе” ҳимоячиси Диего Рико ҳакамликдан норози эканини билдирди.
Футболчининг фикрича, “Реал” марказий ҳимоячиси Антонио Рюдигер учрашувнинг биринчи бўлимида атайлаб тиззаси билан унинг юзига теккани учун жазоланиши керак эди.
Ҳакам ушбу эпизодда карточка кўрсатмади, VAR ҳам вазиятга аралашмади.
Рико агарда унинг ўзи “Реал” футболчисига нисбатан ҳудди шу тарзда ўйнаганида унга узоқ муддатга дисквалификация берилишини таъкидлади. Рико бу ҳолатни ҳакамликдаги икки хил стандартнинг очиқ намунаси, деб атади.
У эпизод атайлаб қилинган деб ҳисоблайди, чунки бундан олдин улар ўртасида тортишув бўлган ва Рюдигер унинг номига қўпол гап айтганди.