Руслан Абдуллаев проф боксдаги иккинчи жангидаёқ камарни қўлга киритди!

Супер енгил вазн тоифасидаги профессионал боксчимиз Руслан Абдуллаев иккинчи жангини якунлади.

АҚШнинг Калифорния штати Оушенсайд шаҳрида ташкил этилаётган проф бокс оқшомида 22 ёшли ҳамюртимизга филиппинлик Жино Родриго рақиб бўлди. Саккиз раунд тўлиқ давом этган жангда чарм қўлқоп устамиз рақибини ҳакамларнинг якдил қарори билан (80:71, 80:71, 80:71) мағлубиятга учратди.  

Эътиборлиси, Оскар Де Ла Хойяга тегишли "Golden Boy" промоутерлик компанияси мижози бўлган Руслан Абдуллаев проф боксдаги иккинчи жангидаёқ WBA Continental камарини қўлга киритди. Бу ҳақда Ўзбекистон профессионал бокс федерацияси хабар бермоқда.