Руни: “Фернандешга МЮнинг рамзий жамоасидан ўрин йўқ”

"Манчестер Юнайтед"нинг собиқ ҳужумчиси Уэйн Руни Бруну Фернандеш клубнинг барча даврлардаги рамзий терма жамоасига кирган бўлармиди, деган саволга жавоб берди.

 "Менимча йўқ. Кантона бор эди, кўплаб ярим ҳимоячилар бор эди. Менимча, Фернандеш бу рамзий терма жамоага фақат статистика орқали кира олмайди", - деди Руни The Overlap дастурида.

Бруну Фернандеш "Манчестер Юнайтед"да 6 йилдан ортиқ вақтдан буён тўп суриб келмоқда. Бу вақт ичида португалиялик футболчи 319 та расмий ўйин ўтказиб, 105 та гол ва 103 та голли узатмани ўз ҳисобига ёздириб қўйди.

"Манчестер Юнайтед" айни дамда Англия чемпионати турнир жадвалида учинчи ўринда бормоқда.

Абдувалиев Азизбек