Руни чемпионлик пойгасида "Арсенал"га ишонмоқда

"Манчестер Юнайтед"нинг собиқ ҳужумчиси Уэйн Руни Англия Премьер-лигасидаги чемпионлик пойгаси ҳақида ўз тахминларини билдирди.

Шанба куни "Арсенал" "Фулхэм"ни 3:0 ҳисобида мағлуб этиб, "Манчестер Сити" билан фарқни 6 очкога етказди. Бироқ "шаҳарликлар" рақибига нисбатан икки ўйин кам ўтказган.

"Менимча, “Арсенал” чемпион бўлади. Буни улар "Манчестер Сити"га ютқазганидан кейин ҳам ҳис қилгандим. Жамоанинг тақвими қулай — қолган ўйинларнинг барчасида ғалаба қозониши мумкин. "Сити" ҳақида эса айтиш осон: уларнинг очко йўқотишини тасаввур қилиш мумкин, эҳтимол бир ёки икки марта. Менингча, "Арсенал" 5 очколик устунлик билан олдинга чиқади, лекин бу фақат менинг фикрим", — деди Руни.

Эслатиб ўтамиз, 4 май куни Хосеп Гвардиола шогирдлари "Эвертон"га қарши майдонга тушади.