Рубен Аморим ўзига жамоа танлади

"Манчестер Юнайтед" собиқ бош мураббийи Рубен Аморим Португалия клубида иш бошлаши мумкин.

Хабарларга кўра, МЮ собиқ устози ўз юртига қайтишга яқин. Манбада ёзилишича 41 ёшли мутахассис Лиссабоннинг "Бенфика" клубида иш бошлаши мумкин. Португалиялик мураббий агар Жозе Моуриньо Лиссабон клубини ёзда тарк этадиган бўлса, унинг ўрнини эгаллашга тайёр эканини маълум қилган. Аморим январь ойининг бошида манкуниянликлар билан шартномасини бекор қилганидан сўнг ишсиз юрибди. У фаолияти давомида Португалиянинг "Каза Пья", "Брага" ва "Спортинг" клубларида ишлаган. 

Маълумот учун, Аморим футболчилик фаолиятида 2008-2017 йиллар оралиғида "Бенфика" клуби шарафини ҳимоя қилган.