Рўйхатда ўзгаришлар бор! "Олтин тўп" учун номзодларнинг янгиланган рейтинги эълон қилинди

Чемпионлар лигасининг ярим финал босқичидан сўнг нуфузли "Goal" портали 2025 йилда "Олтин тўп"ни қўлга киритиш учун асосий номзодлар рейтингини янгилади.

Рўйхатнинг дастлабки учлигида ўзгариш кузатилмади: мукофотнинг асосий номзоди сифатида ПСЖ ҳужумчиси Усмон Дембеле кўрилмоқда, иккинчи ўринда "Барселона" вакили Ламин Ямал, учинчи ўринни эса Каталония клубининг яна бир аъзоси Рафинья эгаллаб турибди.

"Арсенал"га қарши ажойиб ўйин намойиш этган ПСЖ дарвозабони Жанлуижи Доннарумма тўртинчи ўринга кўтарилди. Бешинчи поғонада "Ливерпуль" ҳужумчиси Муҳаммад Салоҳ ўз мавқеини сақлаб қолди. Кейинги ўринларда Педри, Харри Кейн, Килиан Мбаппе, Лаутаро Мартинес ва Роберт Левандовски жой олишган.

Маълумот учун, ўтган йили "Олтин тўп"ни ярим ҳимоячи Родри қўлга киритган эди.