Росеньорга ҳам чиқиш эшиклари очилди

“Челси” клуби раҳбарияти жамоага яқинда бош мураббий этиб тайинланган англиялик мутахассис Лиам Росеньорни ҳам ишдан бўшатиш имкониятини кўриб чиқмоқда.

Бу қарор жамоанинг сўнгги муваффақиятсиз натижалари фонида муҳокама қилинмоқда.

Англия Премьер-лигасининг 34-туридан ўрин олган учрашувда “Брайтон”дан 0:3 ҳисобидаги мағлубиятдан сўнг клуб раҳбарияти фавқулодда йиғилиш ўтказган.

Жамоа АПЛда кетма-кет бешта ўйинда мағлуб бўлиб, бирорта ҳам гол ура олмаган. Бу натижа клуб тарихида сўнгги 114 йил ичидаги энг ёмони ҳисобланади.

Маълум қилинишича, мураббий тақдири яқин кунларда ҳал қилиниши мумкин ва клуб аллақачон эҳтимолий номзодларни кўриб чиқмоқда.

Росеньор 2026 йил январ ойида жамоа бошқарувини ўз қўлига олган ва 2032 йилгача шартнома имзолаган, бироқ қисқа вақт ичидаёқ кучли босимга дуч келди.