Росеньор: "Энцо Фернандес қайтиши жамоа учун жуда муҳим"
- 13-апрел, 14:55
- Bilolbek Imomov
- 0
- Футбол
"Челси" бош мураббийи Лиам Росеньор ярим ҳимоячи Энцо Фернандеснинг жамоага қайтаётгани ҳақида фикр билдирди.
Аргентиналик футболчи оммавий баёнотлари сабаб клуб томонидан икки ўйинга четлатилган эди. Ушбу сабаб "кўклар" унинг хизматларидан "Манчестер Сити"га қарши ўйинда фойдалана олмади ва жамоа ўз майдонида 0:3 ҳисобида мағлуб бўлди.
Росеньорнинг таъкидлашича, бу қарор клуб манфаатларидан келиб чиққан ҳолда қабул қилинган ва футболчи билан шахсий муаммо йўқ.
"Ҳар қандай жамоага Энцо етишмас эди, лекин биз бу қарорни узоқ муддатли манфаатлардан келиб чиқиб қабул қилдик. Менинг Фернандес билан ҳеч қандай шахсий муаммом йўқ. У сешанба куни қайтиб келади. Энцо ажойиб футболчи ва яхши инсон. Унинг қайтишини интиқлик билан кутяпман. Биз аллақачон гаплашиб олдик", — деди Росеньор.
18 апрель куни "Челси" АПЛнинг 33-тури доирасида ўз майдонида "Манчестер Юнайтед"ни қабул қилади.