Роналдунинг жами совринлари нечта бўлди?
- 22-май, 08:41
- Zohir Toshxo’jayev
- 0
- Футбол
“Ан-Наср” ҳужумчиси Криштиану Роналду жамоаси билан бирга Саудия Арабистони чемпионига айланди. Португалиялик учун бу фаолиятидаги 35-соврин сифатида қайд этилди.
Роналду илк ютуғини ўзини тарбиялаган клуб “Спортинг”да қўлга киритган. Кейинчалик Манчестер Юнайтед”да ўйнаб, жами тўққизта соврин эгаси бўлган.
Криштианунинг ҳисобига 15 та соврин Мадриднинг “Реал” клубидан, яна бештаси эса “Ювентус”даги ғалабаларидан кейин қўшилган. Роналду Португалия терма жамоаси билан халқаро майдонда учта нуфузли мусобақада ғолиб чиққан.
Ниҳоят, уч йиллик уринишдан кейин 41 ёшли юлдуз “Ан-Наср” билан иккинчи совринига эга чиқди.
Таққослаш учун: дунёдаги энг соврин ютган футболчи Лионель Месси бўлиб, унинг ҳисобида 45 та чемпионлик бор. Кучли учликка бразилиялик Дани Алвес (41) ва Маркиньос (40) ҳам киради. Мисрлик Ҳассан ва испаниялик Серхио Бускетсда эса 39 тадан соврин мавжуд.