Роналдуга кетаман, деб ваъда бергандим
- 22-май, 08:46
- Zohir Toshxo’jayev
- 0
- Футбол
Саудиянинг “Ан-Наср” жамоаси бош мураббийи Жорже Жезуш 2025-2026 йилги мавсум якунларига кўра чемпионликни қўлга киритгач, клубни тарк этаётганини маълум қилди.
- Мен “Ан-Наср”ни бошқариш чақирувини фақат Криштиану учун қабул қилгандим. Мен Роналдуга: “Сенга чемпион бўлишда ёрдам бераман, биз совринни қўлга киритамиз, кейин эса мен кетаман”, деб ваъда берганман. Тамом. Мен учун ҳаммаси тугади. Бу “Ан-Наср” бошқарувида ўтказган охирги ўйиним бўлди, - деди Жорже Жезуш.
Жезуш 2025 йилнинг ёзида “Ан-Наср” қабул қилиб олиб, шайхлар билан бир йиллик шартнома имзолаган эди.
Роналду учун эса бу 2023 йилдан бери ўйнаб келаётган Саудия жамоаси таркибидаги илк йирик соврин ҳисобланади.
“Ан-Наср” таркибига Европада танилган юлдузларни жамлаганига қарамай, чемпионликка олти йиллик танаффусдан кейин эришди. Риёдлииклар жами ўн марта мамлакат чемпионати ғолиби бўлди.