Роналдучалик омадсиз футболчи бўлмаса керак...
- 17-май, 08:40
- Zohir Toshxo’jayev
- 0
- Футбол
Криштиану Роналду “Ан-Наср”га ўтганидан бери турли мусобақаларда қўлга киритиши мумкин бўлган 14 совриннинг 14 тасидан қуруқ қолди.
“Ан-Наср” Осиё Чемпионлар лигаси-2 финалида Япониянинг “Гамба Осака” клубига 0:1 ҳисобида мағлуб бўлди.
Жамоалар Саудия Арабистонининг Эр-Риёд шаҳридаги “Кингдом Арена” стадионида ўзаро куч синашди. Бу баҳсда мезбонларга ўз мухлисларининг кўплиги ҳам ёрдам бера олмади.
Криштиану Роналду учрашувда анча бўш ўйнагани қайд этилди ва ҳеч қандай самарали ҳаракатни амалга ошира олмади.
Роналду “Ан-Наср” сафида 2023 йил январидан бери ўйнаб келмоқда. Шу вақт мобайнида ҳужумчи мамлакат чемпионати, Саудия Арабистони кубоги, Суперкубок, Осиё Чемпионлар лигаси ва Осиё Чемпионлар лигаси-2 мусобақаларидаги финалларни бой берди.
Энди Роналду жамоаси билан Саудия Арабистони чемпионатида ғолиб чиқиши мумкин холос. 21 май куни Саудия Про-лигасининг 2025-2026 йилги мавсуми якунланади.
“Ан-Наср” чемпионат тугашига бир тур қолганида турнир жадвалида биринчи ўринни эгаллаб турибди ва “Ал-Ҳилол”дан икки очкога олдинда боряпти.
Сўнгги турда Криштиану Роналду жамоаси “Дамак” клубига қарши майдонга тушади.