Роналду: "Хойлунд эртага мени нишонлашимни кўради"

Португалия ва "Ан-Наср" ҳужумчиси ҳисобланган Криштиану Роналду Данияга қарши жавоб беллашувидан аввал матбуот анжуманида иштирок этиб, журналистларни қизиқтирган бир неча саволларга жавоб берди. 

"Мен 90 дақиқада мағлуб бўлганман, лекин ҳеч қачон биринчи бўлимдаёқ ютқазмаганман. Эртага – иккинчи бўлим. 

Баъзан шундай ўйинлар ҳам бўлади, ёмон кунлар учрайди. Бугун мен ҳам, жамоа ҳам яхши ўйнамадик, лекин бу – ҳаётнинг бир қисми. 

Терма жамоа атрофида қандайдир салбий гаплар тарқамоқда. Баъзи саволлар ҳурматсизлик эди. Мен жавоб бераётганимда менга қаранг, компьютерга эмас. Бунга вақт топасиз. 

Хойлунд менинг гол нишонлашимни такрорлагани муаммо эмас. У буни ҳурматсизлик учун қилмаганини биламан. Фақат у эмас, балки бошқа спортчилар ҳам мен каби нишонлашади. Умид қиламанки, эртага у майдонда менинг нишонлашимни томоша қилади! 

Бу фақат мен гол уришим ҳақида эмас… Муҳими – Португалия ғалабаси. Агар биз ютиб, мен ўйнамасам ҳам, бунга рози бўламан" - дея таъриф бериб ўтди Роналду. 

Эслатиб ўтамиз, илк учрашувда "Манчестер Юнайтед" ҳужумчиси Хойлунднинг ягона голи Данияга Португалия устидан ғалаба келтирган эди. Жавоб баҳси эса 23 март куни Тошкент вақти билан 00:45 да старт олиши режалаштирилган.