Роналду сўнгги икки Жаҳон чемпионатида пенальтисиз фақат Ўзбекистонга гол урган

Португалия терма жамоаси ҳужумчиси Криштиану Роналду Жаҳон чемпионати 1/16 финалида Хорватияга қарши баҳсда (2:1) пенальтидан гол уриб, жамоасининг камбэк ғалабасига ҳисса қўшди.
⠀
Роналду 68-дақиқада 11 метрлик жарима зарбасини аниқ амалга ошириб, ҳисобни тенглаштирди. Қўшимча вақтда эса Гонсалу Рамушнинг голи Португалияга 1/8 финал йўлланмасини олиб келди.
⠀
Эътиборлиси, Криштиану сўнгги икки Жаҳон чемпионатида пенальтисиз фақат битта терма жамоа дарвозасини ишғол қилган. Бу Ўзбекистон терма жамоаси бўлиб, Португалиянинг 5:0 ҳисобидаги ғалабасида Роналду дубль муаллифига айланган эди.
⠀
Эслатиб ўтамиз, Қатарда ўтган 2022 йилги Жаҳон чемпионатида беш карра "Олтин тўп" соҳиби ягона голини Ганага қарши учрашувда пенальтидан урган эди.