Роналду шогирдига суперклуб танлаб берди
- 2-апрел 2025, 20:31
- Zohir Toshxo’jayev
- 0
- Футбол
40 ёшли Криштиану Роналду ўзи ёқтирган ёш ўйинчиларга жамоа танлаш бўйича маслаҳат берадиган даражага етганини яна бир карра намойиш қилди.
“Ан-Наср” футболчиси Португалия терма жамоасидаги шериги Франсишку Тринкауга Лиссабоннинг “Спортинг” клубидан “Манчестер Юнайтед”га ўтишни маслаҳат берди.
25 ёшли Тринкаунинг “топ-5” лигаларини забт этиш бўйича биринчи уриниши муваффақиятли чиқмаган. “Брага” тарбияланувчисини “Барселона” 2020 йили ёўда қарийб 31 миллион еврога сотиб олган эди.
Франсишку каталонияликлар ишончини оқламади. Кейинчалик испан гранди уни “Вулверхемптон” ва “Спортинг”га ижарага жўнатди. 2023 йили “Барса” мутасаддилари Франсишкуни “Спортинг”га 7 миллион еврога қўйиб юборди.
Энди бу ўйинчи яна катта саҳнага чиқишга тайёр. Роналду бу футболчига Рубеш Аморим яхши таниши, манчестерликлар сафида Диогу Далот ва Бруну Фернандеш каби португалияликлар ўйнаётшанини инобатга олиб, тўғри Манчестерга боришни тавсия қилди.