Роналду сармоясидан кейин "Альмерия" Испаниянинг энг оммабоп клубларидан бирига айланди

Испаниянинг "Альмерия" клуби "Ан-Наср" ҳамда Португалия терма жамоаси ҳужумчиси Криштиану Роналду жамоага сармоя киритганидан кейин мамлакатдаги энг машҳур клублардан бирига айланди.

Маълум қилинишича, Роналду Испаниянинг иккинчи дивизионида иштирок этаётган клуб акцияларининг 25 фоизини сотиб олганидан сўнг жамоанинг оммавийлиги кескин ошган. Натижада "Альмерия" аудитория қамрови бўйича Ла Лигадаги кўплаб клубларни ортда қолдириб, машҳур ижтимоий тармоқда Испаниянинг энг оммабоп беш клуби қаторига кирди.

Роналдунинг клубга қўшилиши катта медиа шов-шувга сабаб бўлди ва жамоанинг ижтимоий тармоқлардаги саҳифаларига кўплаб янги обуначилар қўшилди. Ҳозирги вақтда "Альмерия" обуначилар сони бўйича испан клублари орасида 5-ўринни эгаллаб турибди. Тўлиқ рейтинг билан қуйида танишиб чиқишингиз мумкин

"Реал Мадрид" — 181 млн обуначи
"Барселона" — 147 млн обуначи
"Атлетико" — 18 млн обуначи
"Севилья" — 3,6 млн обуначи
"Альмерия" — 3,2 млн обуначи