Роналду Рамоснинг катта рекордини синдирди
- 16-ноябр 2024, 13:33
- Zohir Toshxo’jayev
- 0
- Футбол
Португалия терма жамоаси УЕФА Миллатлар лигаси доирасидаги навбатдаги учрашувини ўтказиб, Польша терма жамоаси устидан 5:1 ҳисобида зафар қучди.
Мезбонларга ғалаба келтирган голлардан иккитасини Криштиану Роналду, қолганларини Рафаэль Леау, Бруну Фернандеш ва Нету киритди.
Бу беллашувдаги ғалаба Криштиану Роналдуга бир неча рекордларни келтирди. Хусусан, ушбу натижа 39 ёшли ҳужумчи учун халақаро миқёсда расмий ва ўртоқлик учрашувларини қўшиб ҳисоблаганда 132-ғалаба сифатида қайд этилди.
Роналду шу тариқа Испания терма жамоасида ўйнаган Серхио Рамоснинг рекордини синдириб, ўзиникини ўрнатди.
Криштиану Португалия терма жамоаси сафида 2003 йилдан бери ўйнаб келмоқда. Ҳозирга қадар 215 та учрашувда иштирок этиб, рақиблар дарвозасини 135 маротаба ишғол қилган.