Роналду Ўзбекистон билан ўйнашга тайёрлигини маълум қилди
- 3-апрел, 17:55
- Zohir Toshxo’jayev
- 0
- Футбол
Португалия миллий терма жамоаси ва Саудия Арабистонининг “Ан-Наср” клуби машҳур ҳужумчиси Криштиану Роналду соннинг орқа қисми жароҳатидан тўлиқ тикланди.
Бу ҳақда инсайдер Фабрицио Романо ва Marca нашри хабар бермоқда.
Эслатиб ўтамиз, 41 ёшли португалиялик футболчи 28 февраль куни Саудия Арабистони чемпионати доирасида “Ал-Фейха” жамоасига қарши ўйинда (3:1) жароҳат олган ва учрашув охирида майдонни тарк этишга мажбур бўлган эди.
Реабилитация курсини ўташ учун Роналду Мадридга йўл олган ва у ерда шахсий физиотерапевти билан ишлаган. Жароҳат туфайли у “Ан-Наср”нинг миллий чемпионатдаги бир нечта ўйинларини ўтказиб юборди.
Шунингдек, Португалия миллий терма жамоасининг 2026 йилги жаҳон чемпионатига тайёргарлик кўриш мақсадида Мексика ва АҚШ футболчилари билан ташкил этилган ўртоқлик ўйинлари учун рўйхатга киритилмади.
Эндиликда Роналду нафақат “Ан-Наср”га чемпионлик учун курашда ёрдам беришга, балки АҚШ, Канада ва Мексикада бўлиб ўтадиган “ЖЧ-2026”да иштирок этишга ҳам тайёр.
Португалияликлар “К” гуруҳига тушган бўлиб, у ерда Конго Демократик Республикаси, Ўзбекистон ва Колумбия миллий терма жамоалари билан ўйнайди.
Жорий мавсумда Роналду Саудия Про-лигасида 22 ўйинда 21 та гол урган. У умумий фаолияти давомида 965 та гол киритган ва 1000 голлик рекордга етиш учун ҳаракатни давом эттирмоқда.
Криштиану Роналду халқаро миқёсда энг кўп ўйин ўтказиб, энг кўп гол урган футболчи ҳисобланади. У Португалия терма жамоаси сафида 226 та ўйинда иштирок этиб, рақиблар дарвозасини 143 маротаба ишғол қилди.
Ғалаба учун энди Ҳусанов ўйнамаса бўлмайди!
Олмалиқда туғилган футболчи трансферини Манчестер ва Мадрид суперклублари сўради
CITY MAGAZINE: Ҳамма Ҳусановдан ҳайратда!
Ҳусанов ва Ўзбекистон ғалабасига “Манестер Сити”дан қандай муносабат бўлди?
Ҳусанов ёлғиз қолишни истади...