Роналду нега Жотанинг дафн маросимида қатнашмаганининг сабаби очиқланди
- 1-август 2025, 22:48
- Bilolbek Imomov
- 0
- Футбол
Португалия футбол федерацияси президенти Криштиану Роналдуни ҳимоя қилди — жамоа сардори Диогу Жотанинг дафн маросимида иштирок этмагани учун танқидларга учраган эди.
Бундан бир ой олдин футбол жамоатчилиги Жота ва унинг укаси Андре Силва Испаниянинг шимолидаги йўл транспорт ҳодисасида ҳалок бўлгани ҳақидаги хабардан ҳаяжонга тушди.
Бу фожеа Жота болаликдан севган рафиқаси Руте Кардозу (28 ёшда) билан турмуш қурганидан бор-йўғи 11 кун ўтгач содир бўлди.
Жота Португалия терма жамоасида Роналду капитанлигида ўйнаган. Шу боис, кўпчилик ҳужумчининг дафн маросимида Роналдунинг қатнашмаганини кутилмаган ҳол деб баҳолади.
Баъзилар буни шунчаки кутилмаган эмас, балки ноўрин деб ҳисоблаб, Роналдуни ижтимоий тармоқларда кескин танқид қилишди. Чунки дафн маросимида Бруну Фернандеш, Рубен Диаш ва Бернарду Силва каби жамоадошлари иштирок этган эди.
Бироқ, Роналду маросимда қатнашмасликка қарор қилган. Сабаби — у ўзининг иштирок этиши Жота ва унинг укасига ҳурмат бажо қилиш маросимининг асосий мазмунини соя остида қолдиришидан қўрққан.