Роналду: "Жоржинага турмуш қуришни таклиф қилишни режалаштирмаган эдим"

Криштиану Роналду яқинда Жоржина Родригесга турмушга чиқишни таклиф қилган эди. Юлдуз футболчи машҳур журналист Пирс Морган билан бўлган суҳбатда ҳаммаси қандай бўлганини айтиб берди.

 "Тунги соат бирлар эди. Қизларим ухлаб қолишганди. Дўстларимдан бири менга Жоржинага совға қилишим учун узук берди. Мен унга узукни узатаётганимда, икки болам кириб: "Дада, сиз онамга узук совға қилмоқчисиз ва сизга турмушга чиқишни сўрайсиз!" - дейишди.

Мен дедим: "Воҳ, бу айни пайти." Қачондир шундай қилишимни билардим, лекин айнан ўша пайтда қилишни режалаштирмагандим. Аммо болалар шундай дейишгани ва дўстларим ҳаммасини видеога олишгани учун мен буни хоҳлаётганимни тушундим ва таклиф қилдим. Мен тиззалаб ўтирмадим, чунки бунга тайёр эмасдим, лекин бу ажойиб лаҳза эди. Ортиқча гапирмасдан, содда нутқ сўзладим. Мен романтик эмасман... Эҳтимол, озгина. Лекин мен ҳар ҳафта уйга гул олиб келадиган йигит эмасман. Шунчаки ўзимча романтикман. Жоржина бир умрлик аёл бўлганини билардим. Мен буни қилдим ва умид қиламанки, буни яхши бажардим", - деди Роналду интервьюда.