Роналду: Ҳой бола, нималар қилиб қўйдинг!

“Манчестер Юнайтед”нинг машҳур юлдузлари қизга қилинган зўравонликда айбланаётган жамоадошлари Мэйсон Гринвуддан юз ўгирди. Маълум бўлишича, Гринвуднинг инстаграмдаги саҳифасида обуна бўлган 18 нафар жамоадошидан аксарияти унинг саҳифасини тарк этди.

Хусусан, куни кеча Давид де Хеа, Криштиану Роналду ва Поль Погба Гринвуднинг саҳифасига обунасини бекор қилди. Аввалроқ, Маркус Рэшфорд, Эдинсон Кавани, Фред ва Жесси Лингард ҳам шу ишга қўл урганди.

Ҳозирча, жамоа сардори Ҳарри Магуайр ва Бруну Фернандеш Гринвуднинг инстаграмдаги саҳифасини кузатишни давом эттирмяпти.

Манчестер полицияси 20 ёшли футболчини суроқ қилганидан кейин бир кеча қамоқда олиб қолди. Бу можаро футболчининг севгилиси Гарриет Робсон дўппослашдан қолган жароҳатларини ижтимоий тармоққа жойлаб, бу ишда Гринвудни айблаганидан кейин бошланганди.