Роналду ҳамон хавфли

Англия терма жамоасининг собиқ футболчиси Гари Линекер Португалия терма жамоаси ҳужумчиси Криштиану Роналдунинг Германия мезбонлигида ўтаётган Европа чемпионатидаги ўйини ҳақида ўз фикрлари билан ўртоқлашди.

“Мен Криштианунинг ўйинини кузатаман ва у рақиб жарима майдончасида ҳамон хавф туғдира олади деб ўйлайман. Албатта, у аввалгидек тезкор эмас, лекин барибир нимадир қила олади”, - деди Линекер Mirror нашрига берган интервьюсида

39 ёшли Криштиану Роналду Евро-2024 да тўртта учрашув ўтказди. Ҳужумчи фақат битта голли узатмани амалга оширди.

Португалия терма жамоаси Европа чемпионати чорак финалида Францияга қарши баҳс олиб боради. Учрашув 5 июль куни бўлиб ўтади.