Роналду чемпионликдан кейин нима деди?

“Ан-Наср” тўпурари Криштиану Роналду жамоасининг Саудия Арабистони чемпионатидаги ғалабасига муносабат билдирди.

Португалиялик юлдуз ўзи ва жамоасининг катта ютуғини бир сўз билан “Чемпионлар!” – деб изоҳлади.

Шу билан бирга, футболчи ижтимоий тармоқдаги саҳифасига ёзилган ушбу постга ўз расмларини илова қилди.

Криштиану Роналду 2023 йилдан бери “Ан-Наср” шарафини ҳимоя қилиб келмоқда. 41 ёшли футболчи Саудиядаги илк соврини анча кутди.

Жаҳон футболида энг кўп гол урган футболчи эканига қарамай, Роналду риёдликлар таркибида 14 та финални бой бериб, совринлардан қуруқ қолган эди. Ниҳоят, у мақсадига етиб, араблар жамоасида биринчи ютуғини нишонлади.

“Ан-Наср” эса, олти йиллик танаффусдан кейин яна Саудия Арабистони чемпионлигига сазовор бўлди.