Роналду бош совринни қўлга киритганидан кейин фаолиятини тугатиш ҳақида гапирди

УЕФА Миллатлар лигасида ғолиб чиққан Португалия терма жамоаси сардори Криштиану Роналду учрашувдан кейин фаолиятини қачон якунлаши ҳақидаги саволларга жавоб қайтарди.

- Ёшим неччида эканини жудя яхши биласизларку. Фаолиятим охиирига яқинлашиб бораётгани очиқ-ойдин кўриниб турибди.

Шу боис, мен ҳар бир лаҳзадан кўпроқ лаззатланишга ҳаракат қилишим керак. Агар жиддий жароҳат олмасам, футбол ўйнашда давом этавераман, - деди 40 ёшли тўпурар.

Қизиғи шундаки, Роналду учрашувнинг 88-дақиқасида шикастлангани учун захирага олинган эди. Роналду бу баҳсда тўп киритиб, халқаро майдонда гол уриш бўйича ўз рекордини янгилади. Айни пайтда унинг ҳисобида терма жамоа учун урилган 138 та гол бор.