Роналдо мундиалдан кейин Роналдуга баҳо берди

Икки карра жаҳон чемпиони Роналдо Назарио 2026 йилги жаҳон чемпионатида Португалия терма жамоаси ҳужумчиси Криштиану Роналдунинг ўйини ҳақида фикр билдирди.

- Эҳтимол, у Саудия Арабистонида яна бир неча мавсум тўп суриши мумкин. Лекин жаҳон чемпионатида ўйнаш — бутунлай бошқа даража, бу анча қийин. Бу ерда савия жуда юқори. 

Футболга бўлган иштиёқимиз, муҳаббатимиз, абадий ўйнаш истагимизга қарамай, охир-оқибат ҳаммасини танамиз ҳал қилади, деб ўйлайман. Мен ҳозир футбол ўйнамаяпман, чунки ақлим ҳали ўйнашни истайди, лекин танам бу юкни кўтара олмайди, — дея Роналдонинг сўзларини A Bola нашри келтиради.

Криштиану Роналду Португалия терма жамоаси билан жаҳон чемпионатида 1/8 финалгача етди, бу босқичда жамоа Испания терма жамоасига мағлуб бўлди. Турнир давомида у бешта ўйинда майдонга тушиб, учта гол урди.