Роналду: Ҳусанов юртдошларининг билан икки марта ўйнайман!
- 18-август, 21:41
- Zohir Toshxo’jayev
- 0
- Футбол
Осиё футбол конфедерацияси таснифидаги клублар ўртасидаги энг нуфузли мусобақа - Элит Чемпионлар лигасида гуруҳ босқичида жаҳон футболида энг кўп гол урган футболчи Криштиану Роналду икки ўзбек клубига қарши икки ўйин ўтказадиган бўлди.
Мусобақада Саудия Арабистонининг амалдаги чемпиони сифатида иштирок этаётган "Ан-Наср" жамоаси қуръа натижасига кўра, Фарғонанинг "Нефтчи" ва Тошкентнинг "Пахтакор" клублари билан куч синашади.
Португалия миллий терма жамоаси сардори Криштиану Роналду тўп суриб "Ан-Наср" ўз майдонида ўтказиладиган тўртта учрашувда Қатарнинг "Ас-Садд" ва "Ан-Шамал", Ўзбекистоннинг "Нефтчи", Бирлашган Араб Амирликларининг "Ал-Васл" жамоаларига қарши майдонга тушади.
Роналду жамоаси Бирлашган Араб Амирликларининг "Ал-Айн" ва "Шабаб Ал-Аҳли", Қатарнинг "Ал-Гарафа" ва Ўзбекистоннинг "Пахтакор" футболчиларига қарши сафар учрашувида куч синашади.
Тақвимга кўра, "Пахткор" майдонидаги учрашув 2 ноябрь куни белгиланди.
Элит Чемпионлар лигасининг гуруҳ босқичи 2026 йилнинг 14 сентябридан 2027 йилнинг 17 февралигача бўлган даврда ўтказилиши режалаштирилган.
Плей-офф ўйинлари 1 мартдан бошланади. Чорак финал баҳслари эса 23 апрелдан 1 майга қадар Саудия Арабистонидан ташкил этилади.
Эслатиб ўтамиз, 2026 йилги жаҳон чемпионатида Криштиану Роналду Португалия терма жамоаси сафида Ўзбекистон футболчиларига қарши майдонга тушиб, иккита гол уришга муваффақ бўлган эди. 41 ёшли футболчи учрашув давомида Абдуқодир Ҳусанов билан бир неча бор мулоқот қилиб, унинг ўта тезкор ўйинчи эканини алоҳида эътироф этган.