"Рома" бир футболчи учун ҳамшаҳари билан рақобатлашади

"Айнтрахт" клубининг ҳужумкор қанот ярим ҳимоячиси Филип Костич А Серия клубларининг эътиборига тушди.

Италиялик журналист Николо Скиранинг маълум қилишича, 29 ёшли футболчи учун Римнинг икки гранди - "Рома" ва "Лацио" кураш бошлаган. Сербиялик иқтидор эгасининг айни дамдаги трансфери 20 миллион еврога баҳоланмоқда.

Костич жорий мавсум "Айнтрахт" сафида жами 23 та ўйинда майдонга тушди ва 3 та гол ҳамда 10 та голли узатмага муаллифлик қилди.