Родриго Чемпионлар лигасининг икки ўйинини ўтказиб юборади

"Реал" вингери Родриго Чемпионлар лигасида икки учрашувда жамоасига ёрдам бера олмайди.

Эслатиб ўтамиз, бразилиялик футболчи мусобақанинг умумий босқичи 8-турида "Бенфика"га қарши ўйиннинг (2:4) 97-дақиқасида ҳакам Давиде Масса билан баҳслашгани учун икки сариқ карточка олган эди.

УЕФА Родригони ҳақоратли сўзлар ишлатгани учун икки ўйинга дисквалификация қилганини тасдиқлади. Шу тариқа, футболчи 17 ва 25 февраль кунлари бўлиб ўтадиган "Бенфика"га қарши ҳар икки ўтиш баҳсида иштирок эта олмайди.