Роберто Мартинес Ўзбекистоннинг бекор қилинган суперголи ҳақида гапирди

Португалия терма жамоаси бош мураббийи Роберто Мартинес жаҳон чемпионати саралаш босқичи доирасида Ўзбекистонга қарши ўйинда қайд этилган йирик ҳисобдаги ғалаба (5:0) ҳақида фикр билдирди. 

— Менимча, бу ўйинда энг муҳим омил — ҳис-туйғуларни назорат қилиш бўлди. Биринчи ўйинда биз гол урдик-у, лекин шундан сўнг ўз режамиз, майдондаги интизом ва позициялардаги тартибни йўқотиб қўйдик. 

Бу гал эса аксинча бўлди: танаффусгача қай тарзда ўйнашимиз кераклигини аниқ тушунган ҳолда ҳаракат қилдик. Шу билан бирга, захирадан майдонга тушган беш нафар футболчи ҳам тактик интизомни юқори даражада ушлаб турди, бу эса ҳал қилувчи аҳамиятга эга. 

Лекин яна бир бор таъкидлайман, ҳис-туйғуларни бошқара билиш бундан ҳам муҳим. Иккинчи голимиз бизга катта ёрдам берди, шунингдек, Ўзбекистон урган голнинг бекор қилиниши ҳам ўйин манзарасига таъсир қилди. 

Бошқа ўйинда ўша гол ҳисобга олинганди ва бу бутун ўйиннинг боришини ўзгартирган эди. Умуман олганда, жуда мамнунман, чунки биринчи ўйиндаги хатоларимиздан жуда тез хулоса чиқара олдик, — деди Мартинес.

Ўзбекистон устидан қозонилган ғалабадан сўнг Португалия терма жамоаси 4 очко тўплади. Ўзбекистон терма жамоаси эса ҳали очко ололмаган ва жадвалда сўнгги — тўртинчи ўринни эгаллаб турибди.