Ривалдо Ямалга маслаҳат берди

Ривалдо Ламин Ямалнинг зиёфати ва можаролар ҳақида ўз фикрини билдирди. Бразилиялик собиқ футболчи уни ОАВдаги можароларга аралашмасликка чақирди.

"Ламин ақлли йигит. Умид қиламизки, у келажакда бундай можаролар ва карьерасига зарар етказиши мумкин бўлган ҳар қандай холатдан қочиш учун хамма нарсани қайта ўйлаб кўради.

Ламин соғлом фикрга эга ва қайси даврда яшаётганини тушунади. Унинг хатти-ҳаракатларига доимо эьтибор қаратилади. 
Барча унинг порлашда давом этишини, яхши ўйнашини ва карьерасига тўсиқ бўлувчи нарсалардан узоқроқ  туришини истаймиз. Унинг майдонда нималар қилаётгани ҳақида гаплашишни хохлаймиз", - дейди бразилиялик собиқ Жахон чемпиони.

Аввалроқ, "Барселона" бош мураббийи Ханс-Дитер Флик жамоа футболчиларидан норози экани маьлум бўлганди. У футболчиларга бир нечта таъқиқлар қўйди. Бу қарорга айнан Ямалнинг туғилган куни муносабати билан уюштирилган базм атрофидаги можаро сабаб бўлган.