Рэшфорд АПЛ грандига ўтишдан бош тортди

«Манчестер Юнайтед» ҳужумчиси Маркус Рэшфорд Ангия Премьер-лигасида иштирок этаётган машҳур клублардан «Тоттенхэм»га ўтишдан бош тортди. Бу ҳақда TEAMtalk нашри хабар қилди.

Манбага кўра, «шпорлар» Рэшфордни 46,4 миллион еврога сотиб олиш бандини фаоллаштириш ва футболчининг маош талабларини қондиришга тайёр бўлган. Бироқ инглиз футболчиси Англиядаги бошқа клуб сафида ўйнашни истамаяпти.

Вингер ҳануз «Барселона»га тўлиқ кўчиб ўтишдан умидвор ва каталонияликлар кейинроқ унинг номзодига яна қайтишини кутяпти.

Ўтган мавсум Рэшфорд «Барселона» сафида ижара асосида ўйнади. У жамоа таркибида 49 та ўйинда қатнашиб, 14 та гол урди ва 14 та голли узатма берди.