“Реал”нинг махфий трансфери номи ошкор бўлди

“Реал” клуби хўжайини Флорентино Перес тез орада жамоа 150 миллион евролик трансферни амалга оширишини ва Криштиану Роналду даражасидаги трансфер бўлишини таъкидлаган эди.

Испаниядаги манбалар Флорентино Перес номини сир тутаётган янги футболчи ким эканини топишга киришиб кетди.

COPE нашрининг “Реал” ҳақида ёзувчи журналисти Арахна Родригеснинг хабар беришича, мадридликлар фақат бир футболчи – “Пари Сен-Жермен ҳамда” клуби ва  Португалия миллий терма жамоаси ярим ҳимоячиси Жоау Невеш учун 150 миллион евро таклиф қилиши мумкин.

Яна бир таниқли журналист Пепе Альварес ҳам худди шу фикрни билдирган.

Ўтган мавсумда Жоау Невеш барча мусобақаларда 38 та ўйинда қатнашиб, 7 та гол ва 4 та голли узатмага муаллифлик қилди. Унинг клуб билан шартномаси 2029 йилнинг ёзигача амал қилади.

Transfermarkt портали футболчининг бозор қийматини 140 миллион евро деб баҳоламоқда.