“Реал”га керак бўлмай қолган ўйинчига зўр клубдан иш чиқди

Амстердамнинг “Аякс” клуби Мадриднинг “Реал” жамоаси ярим ҳимоячиси Дани Себальос билан шартнома имзолаш бўйича музокараларнинг якуний босқичига етди.

Журналист Маттео Моретто маълумотига кўра, 29 ёшли футболчи ёзда Нидерландия клубига ўтиши мумкин.

Себальос кўпроқ ўйин амалиётига эга бўлиш учун “Реал”ни тарк этишни истамоқда, чунки клуб мураббийлар штаби ёшроқ футболчиларга устунлик бермоқда.

“Аякс” мадридликларга трансфер учун тахминан 6 миллион евро таклиф қилган, аммо “Реал” ҳозирча якуний қарор қабул қилмаган.

Жорий мавсумда Себальос “Реал” сафида 23 та ўйин ўтказиб, гол ҳам урмаган ва ассист ҳам қилмаган.

Унинг мадридликлар билан шартномаси 2027 йилгача амал қилади. Transfermarkt маълумотига кўра, футболчининг бозор қиймати 8 миллион еврони ташкил этади.