"Реал"га гол урган ўзбекистонлик футболчи Эрон клубига ўтишга яқин!

Ўтган мавсумни Қозоғистоннинг "Ордабаси" жамоасида ўтказган Жасурбек Яхшибоев Эрон чемпионатига кўчиб ўтиши мумкин. Бу ҳақда "khabarvarzeshi" нашри хабар бермоқда. 

"Нассажи Мозандарон" клуби ўзбекистонлик футболчи билан келишувга эришди. Яхшибоев Ўзбекистоннинг "Пахтакор" ва "Навбаҳор" жамоаларида тўп сурган ва жамоа бош мураббийи Саво Милошевич маслаҳати билан "Нассажи"га ўтган.  

У Молдованинг "Шериф" жамоаси таркибида "Реал" дарвозасига урган голи билан машҳур", - дейилади хабарда. 

Маълумот учун, Яхшибоев айни дамда жамоасиз бўлиб турибди. 27 ёшли футболчининг нархи 700 минг еврога баҳоланмоқда.