“Реал”чилар мундиалда гол уриш бўйича рекорд ўрнатди

Мадриднинг “Реал” клубидан ўз мамлакатлари терма жамоаларига чақиртирилган футболчилар 2026 йилги жаҳон чемпионатида гол уриш бўйича рекорд ўрнатди.

“Қироллик клуби” вакиллари бу йилги мундиалда жами 22  маротаба ўз ҳисобига гол ёздириб қўйди ва жаҳон чемпионатлари тарихида қайд этилган энг яхши натижани ўрнатишди.

Бу рекорднинг асосий ҳиссаси Франция миллий терма жамоаси шарафини ҳимоя қилган Килиан Мбаппега тўғри келди. Моҳир ҳужумчи турнир давомида рақиблар дарвозасини 10 маротаба ишғол қилди.

Шунингдек:

• Англиялик Жуд Беллингем — 7 та гол;
• Бразилиялик Винисиус Жуниор — 4 та гол;
• Туркиялик Арда Гюлер — 1 та гол урди.

Аввалги рекорд 18 та голдан иборат бўлиб, бу натижани 1954 йилда “Гонвед”, 2014 йилда “Бавария” ва 2022 йилги мундиалда ПСЖ футболчилари қайд этган.