“Реал” юлдузини Туркияга чорлашяпти

Туркиянинг амалдаги чемпиони “Галатасарой” Мадриднинг “Реал” клубига керак бўлмай қолган ярим ҳимоячиси Эдуарду Камавингани сотиб олишга тайёр.

Инсайдер Яғиз Сабунжуоғлу X ижтимоий тармоғида хабар беришича, истанбулликлар француз футболчисининг трансфер ва шартнома шартлари билан қизиққан.

Манба маълумотига кўра, истанбулликлардан “Реал”га ҳозирча расмий таклиф келиб тушмаган. Туркия чемпиони фақат маълумот тўплаган холос.

Аввалроқ, Камавинга Франция терма жамоасининг 2026 йилги жаҳон чемпионати учун қайдномасига киритилмаганидан кейин Мадрид клубини тарк этиши мумкинлиги ҳақида хабарлар тарқалган эди.

Футболчига Дортмунднинг “Боруссия” клуби ҳам қизиқиш билдирган. ОАВ маълумотига кўра, “Реал”нинг янги бош мураббийи сифатида кўрилаётган Жозе Моуринью Камавингага таянмоқчи эмас.