“Реал” яна бир турк футболчисини чақиряпти
- 8-май, 06:45
- Zohir Toshxo’jayev
- 0
- Футбол
“Реал” клуби мутасаддилари Туриннинг “Ювентус” клубида порлаётган турк футболчиси Кенан Йилдиз трансферини амалга ошириш имкониятларини ўрганиб чиқмоқда.
Gazzetta dello Sport нашрининг маълумотига кўра, “Қироллик клуби” 21 ёшли туркиялик футболчини ёзги трансфер ойнаси учун устувор мақсадлардан бири, деб ҳисобламоқда.
Флорентино Перес Ла Лига ва Чемпионлар лигасидаги омадсиз мавсумдан кейин таркибни янада кучайтиришга қарор қилган.
Аввалроқ, Йилдизга “Челси” жиддий қизиқиш билдирган эди, аммо февраль ойида ўйинчи “Ювентус” билан 2030 йил ёзигача янги шартнома имзолади.
Шунга қарамай, “Реал” ҳужумкор футболчи атрофидаги вазиятни кузатишда давом этмоқда.
Кенан Йилдиз 2022 йилдан бери “Ювентус” сафида ўйнамоқда, у бу жамоага Мюнхеннинг “Бавария” клубидан ўтган эди.