“Реал” яна бир футболчини тезкор равишда Мадридга қайтарди

Зинедин Зидан янги мавсум олдидан жамоа таркибини янгилашга киришди. Франциялик мураббий янги ўйинчиларни сотиб ололмагани сабабли асосий эътиборини ижарада маҳоратини чархлаб юрган футболчиларга қаратмоқда.

Яқинда “Бавария”дан Альваро Одриосолани ортга қайтарган “Реал” энди ярим ҳимоячи Мартин Эдегорни ҳам чақирди. Ўтган мавсумда “Реал Сосьедад” жамоасида тўп сурган футболчига Зидан асосий таркибдан жой беришга қарор қилган.

21 ёшли Эдегор якунланган мавсумда 31 та учрашувда майдонга тушиб, тўртта гол ва еттита голли пас муаллифи бўлди. У “Реал”га 2015 йили “Стрёмсгодсет” жамоасидан олиб келинган ва маълум муддат “Херенвен” ҳамда “Витесс” каби жамоаларда ижарада ўйнаган.

“Реал” футболчисини зудлик билан ортга қайтишга чақирди