“Реал” ва “Барса” трансфери нишони бўйича ёмон хабар олди

Дортмунднинг “Боруссия” клуби марказий ҳимоячиси Нико Шлоттербек энди клуб раҳбариятининг розилигисиз жамоани тарк эта олмайди.

Sky Sport хабарига кўра, июль ойининг ўрталарида Шлоттербекнинг шартномасидаги товон пули (release clause) ҳақидаги банд ўз кучини йўқотган. Шу сабабли энди унинг келажаги тўлиқ “Боруссия” ихтиёрида бўлади.

Агар “Реал”, “Барселона” ёки “Ливерпуль” 26 ёшли немис ҳимоячисини сотиб олмоқчи бўлса, энди улар тўғридан-тўғри дортмундликлар билан келишувга эришишига тўғри келади.

Манбанинг таъкидлашича, жаҳон чемпионатида олган жароҳатидан кейин “Реал”нинг Шлоттербекка бўлган қизиқиши ҳам пасайган.

Ҳимоячининг амалдаги шартномаси “Боруссия” билан 2031 йилгача мўлжалланган. Transfermarkt портали унинг трансфер қийматини 55 миллион еврога баҳоламоқда.