“Реал” Тчуамени ўрнига Чемпионшипдан футболчи олиб келмоқчи

Ярим ҳимоячи Орельен Тчуамени ёзда "Реал"ни тарк этиши мумкин.

Журналист Рамон Алварес маълумотларига кўра, Мадрид клубига тайинланишга яқин қолган Жозе Моуриньо, агар француз "Реал"ни тарк этишга қарор қилса, раҳбариятдан АПЛдан Чемпионшипга тушиб кетган "Вест Хэм" ярим ҳимоячиси Матеуш Фернандешни сотиб олишни сўраган.

Матеуш Фернандеш "Саутгемптон"дан "Вест Хэм"га 2025 йилда 44 миллион евро эвазига ўтган. Унинг Лондон клуби билан шартномаси 2030 йилнинг 30 июнига қадар мўлжалланган.

2025/26-йилги мавсумда португалиялик футболчи барча мусобақаларда "болғачилар" сафида 42 та ўйин ўтказиб, бешта гол урди ва бешта голли узатмани амалга оширди. Transfermarkt портали Фернандеснинг нархини 50 миллион еврога баҳоламоқда.