“Реал” клуби раҳбарияти кейинги ёзги трансферлар мавсумида жамоа таркиби, хусусан, ҳимоя марказида кадрлар алмашинувини амалга оширишга тайёргарлик кўрмоқда.
“Қироллик клуби” скаутлари айни пайтда Ла Лигада “Бетис” жамоаси шарафини ҳимоя қилаётган бразилиялик легионер Натаннинг ўйинларини ва кўрсаткичлари синчковлик билан кузатиб келяпти.
Бу футболчи Англия Премьер-лигаси вакилларидан “Челси” ҳамда “Ньюкасл Юнайтед”нинг ҳам нишонида турганини алоҳида таъкидлаш лозим.
Севилья шаҳри клуби ҳимоячи учун 40 миллион евродан 50 миллион еврогача нарх белгилаган. Бу ҳақда журналист Экрем Конур X ижтимоий тармоғида хабар қилди.
Футболчининг клуб билан шартномаси 2030 йилнинг 30 июнига қадар амал қилади. Жорий мавсумда Натан барча мусобақаларда 27 та ўйинда қатнашиб, 1 та голли узатма амалга оширган. Transfermarkt маълумотларига кўра, унинг қиймати 20 миллион еврони ташкил қилади.