“Реал” олишдан бош тортган юлдуз Ла Лигадан бошқа клуб танлади

“Челси” ярим ҳимоячиси Энцо Фернандес Мадриднинг “Атлетико” клуби учун эҳтимолий трансфер нишонига айланди.

Журналист Саймон Филлипснинг маълум қилишича, “матрасчилар” аргентиналик футболчини шу ёзда сотиб олиш имкониятини кўриб чиқмоқда. Фернандеснинг ўзи “Челси”ни тарк этишни истайди ва “Атлетико”га ўтиш ғоясини маъқуллаган.

Бироқ асосий муаммо трансфер нархида. “Аристократлар” 25 ёшли футболчи учун тахминан 120 миллион фунт стерлинг (140 миллион евродан ортиқ) талаб қилади.

Ёз бошида Энцо Фернандесга Мадриднинг “Реал” клуби ҳам қизиқиш билдираётгани ҳақида хабарлар тарқалган эди. Кейинчалик “Қироллик клуби” расмий баёнот бериб, футболчини сотиб олиш нияти ҳақидаги барча хабарларни рад этган.