"Реал"нинг энг қиммат футболчиси илк голини ҳалок бўлган синглисига бағишлади
- 11-октябр, 08:17
- Zohir Toshxo’jayev
- 0
- Футбол
«Реал» (Мадрид)ҳужумкор футболчиси Ян Диоманде жамоа сафида урган дебют голини 2025 йилда вафот этган синглиси хотирасига бағишлади.
Қизалоқ билан боғлиқ фожиа ёшлар кечаликларидан бирида содир бўлган. 15 ёшли Роксананинг ичимлигига номаълум модда қўшиб юборилгани айтилмоқда. Шифокорлар унинг ҳаётини сақлаб қолишга уринган, аммо омад чопмаган.
Ян Диоманденинг айтишича, Роксана унинг энг катта мухлиси бўлган. У доим акасига ишонар, бир куни у катта футболда улкан ютуқларга эришишига шубҳа қилмасди.
«Ла Лигадаги илк голим сен учун, синглим. Сен абадий қалбимдасан», – дея футболчининг сўзларини келтиради инсайдер Фабрицио Романо.
АҚШ, Канада ва Мексикада бўлиб ўтадиган жаҳон чемпионати бошланишидан оз фурсат олдин Диоманде ижтимоий тармоқларда синглисига бағишлаб жуда таъсирли мактуб ёзган эди.