"Реал" нима учун Моуриньони қайтармоқда?

Кетма-кет иккинчи омадсиз мавсумдан кейин "Реал" катта эҳтимол билан Жозе Моуриньони қайтаради. Нима учун раҳбарият португалиялик мураббий танловида қолмоқда?

Илк сабабларидан бири. Ички муҳитни тўғирлгаш учун эндиликда катта шахс керак бўлади. "Эго"ларга тўлиб кетган кийиниш хонасини, на Анчелотти, на Алонсо, на Арбелоа тартибга келтира олмади. Клубдаги барча вазият қанчалик жиддийлигини билишади, шу сабабли ҳам Моуриньо танловига қарши чиқаётганлар деярли йўқ.

Перес бундан олдин Зидан ва Анчелоттини ҳам жамоага қайтарган ва бу қайсидир маънода омадли бўлиб чиққан. Франциялик мутахассис иккинчи бор мураббийликка тайинланганидан кейин Ла Лигани қўлга киритди. Карло эса икки бора Чемпионлар лигасини ютди.

Шунингдек, раҳбарият "Реал"га қарши ҳар томонлама ҳужум бўлмоқда, деб ҳисоблайди. Бундай пайтда эса "Реал" логосини тиш-тирноғи билан ҳимоя қиладиган одам керак.

Бундан 16 йил олдин ҳам "Реал" икки йиллик совринсиз мавсумидан сўнг Моурга мурожаат қилган. Жозенинг "Реал"даги фаолияти давомида у иштирокида ўз футболчилари, раҳбарият, ҳакамлар, мураббийлар ва хатто журналистлар билан жанжаллар юзага келганди.